Isa kada pamilya lang ang pwede maka-avail sang TUPAD Program sang gobyerno.
ini ang nangin pahayag ni Charles Kevin L. Bataga – Information Officer sang Department of Labor and Employment XII, sa interview sang Bombo Radyo Koronadal.
Suno kay Bataga, ang TUPAD ukon Tulong Panghanapbuhay sa Ating Disadvantaged Workers, indi ini espesyal nga para lang sa mga mangunguma, kundi para man sa iban nga disadvantage workers ukon marginalized workers nga nagakinahanglan sang bulig sang gobyerno.
Suno pa kay Bataga, base sa ila department order, isa lang kada pamilya ang pwede makasulod sa programa agud matagaan sang oportunidad ang iban pa nga nagakinahanglan.
Ginpahayag man sini nga pwede gihapon makasulod sang makapila nga beses sa programa ang mga benepisyaryo sa isa ka tuig, ilabi na kon sila ang naapektuhan sang mga kalamidad, posible gihapon sila makabenepisyo sa TUPAD program.
