Isa ka disgrasya sang 2 ka raider motorcycle ang nagluntad sa Bo. 2, Sto. Niño, Koronadal City pasado alas 8 subong nga aga, Enero 22, 2025.
Ini ginkumpirmar ni PCMS Reynaldo Marcos, ang traffic investigator sang Koronadal City Traffic PNP sa panayam sang Bombo Radyo Koronadal.
Ginkilala ang mga biktima sanday Suzuki Raider 150 nga ginamaneho ni Jorge Morales, 34 anyos, residente sang nasambit nga lugar samtang sakay naman sang Suzuki FU 150 nga sakay sanday Jeyos Albuera, 21 anyos kag ang backrider nga si Era Jean Bandoso nga lunsay mga residente sang Brgy. New Pangasinan, Koronadal City.
Sa inisyal nga imbestigasyon, naga overtake-anay ang duwa ka motorsiklo amo rason nga nagluntad ang aksidente.
Rason naman nga nangguramos kag nagtampaanay ang mga imbolbado sa aksidente.
Nakapagkit naman sang minor injury ang mga biktima.
Sa karon, yara sa kustodiya sang City Traffic ang dalawa ka motor.
Samtang, nagapaalinton man si Marcos nga mangin mahalong kag magsunod sa mga laye sa dalanon agud malikawan ang disgrasya ukon ano man nga sahi nga mangin rason sang trahedya.
