Ginghingyo ni detained Senator Rodante Marcoleta sa Senate impeachment court nga kilalahon ang iya kinamatarong nga makaboto bilang senator-judge sa nagapadayon nga impeachment trial ni Vice President Sara Duterte.
Ginkumpirmar ni Senate impeachment court Presiding Officer Senator Francis “Chiz” Escudero nga nabaton nila ang sulat ni Marcoleta.
Suno kay Escudero, ginpahayag sang senador ang precedent sa impeachment trial ni anay President Joseph Estrada, nga nagatugot sa pag-ila sang boto sang isa ka senator-judge bisan may limitasyon sa iya pisikal nga presensya.
Apang wala pa sang pinal nga desisyon ang impeachment court kag gin-refer anay ang iya hingyo sa Senado bilang isa ka legislative body.
Ginpahayag man ni Escudero nga mahimo niya suportaran ang hingyo ni Marcoleta basta wala ini ginasuspender bilang senador.
Sa karon, nakadetine si Marcoleta sa Quezon City Jail matapos magpaguwa ang Sandiganbayan sang warrant of arrest batok sa iya may kaangtanan sa kaso nga plunder nga nagaangot sa gin-alegar nga wala niya ginpahayag nga campaign donation sang 2025 elections.
