Ginpatigayon subong nga adlaw, Abril 28, 2025, ang demonstration sang bag-o nga Automated Counting Machine sa Notre Dame of Marbel University (NDMU) bilang preparasyon sa 2025 Midterm Elections.
Ginpahyag ni Atty. Paisal Tanjili, Dean sang College of Law sa NDMU sa interbyu sang Bombo rAdyo koronadal, mga ang aktibidad nga nagtuyo nga ipakita sa publiko ang teknolohiya para sa mas edukado kag transparente nga eleksyon.
Suno kay Atty. Tanjili, importante nga ang mga tawo mangin pamilyar sa proseso kag teknolohiya nga gamiton, agud malikawan ang duda kag masiguro ang kasaligan sang resulta sang eleksyon.
Ang aktibidad ginatambungan man sang mga representante sang Commission on Elections (COMELEC) halin sa local kag national offices, nga naghatag sang dugang nga impormasyon kag pagsabat sa mga pamangkot sang mga partisipante.
Ginpa-athag man sa demonstration ang proseso sang pagbutang sang balota, pagbilang, kag pag-transmit sang resulta gamit ang automated system.
