Damage assessment nagapadayon sa isa ka barangay nga barangay nga apektado sang pagbaha sa Lake Sebu, South Cotabato; balay sang National Artist nga si Lang Dulay gindalasa man sang baha

KORONADAL CITY – Padayon ang ginapatigayon nga damage assessment sang Lake Sebu LGU angot sa nagluntad nga pagbaha nga nagluntad partikularmente sa Brgy. Lamdalag.

Suno kay Mayor Floro Gandam, kalakip sa mga ginhalitan sang baha amo ang basakan kag pito ka mga kabalayan kun sa diin isa diri ang gin-anod sang mabaskog nga pag-ilig sang tubig-baha.

Magluwas diri, wala man nakaluwas ang balay sang national artist nga si Lang Dulay nga masudlan sang lutak ang sulod.

Sa subong ila na nga ginaproseso ang paghatag sang bulig sa apektado nga mga pamilya.

Nahibaloan nga kahapon nga adlaw ang kaadlawan ni Lang Dulay nga ginbun-ag sadtong tuig 1928.