KORONADAL CITY – Nagapadayon sa gihapon sa subong ang assessment kag ang monitoring sang pamunuan sang Office of the Civil Defence Region-12 sa mga lugar nga naapektuhan sang mabaskog kag wala untat nga pag-ulan sa bilog nga rehiyon-12 para makuha ang kabug-usan nga mga numero sang mga naapektuhan nga mga panimalay kag mga residente.
Sa interview sang Bombo Radyo Kay Ms. Jorie Mae Balmediano, OCD-12 Information Officer, ginpahayag sini nga nag padayon ang pag consolidate sang ila nga pamunuan sa mga datos nagikan sa mga Local DRRMos sa ila ang Area.
Naguwa sa inisyal nila ang assessment nga ang probinsya sang Saranggani ang tuman ka naapektuhan bangud sa mga napagkit nga mga landslide kag baha nga dala sang ulan.
Nag-awas man ang Buayan River sa diin tuman ka damo nga tubig ang nag hatag sang kabalaka sang pila ka mga residente pipila naman ka area ilabi na sa bahin sang Sarangani partikular na sa Alabel kag Malungon area ilabi na ang sa Baluyan bangud naman sa epekto sang malain nga panahon nga nagresulta sang pagbaha.
Magluwas pa diri, pila man ka mga banwa sa mga probinsyia sang rehiyon ang una na nga nagsupender sang klase bangud sa wala untat nga pag ulan.
Ang mga ini ang ginkalakipan sang banwa sang Alabel kag Malungon sa Saranggani province, Makilala , Matalam, Carmen kag Kabacan sa North Cotabato, Lutayan kag banwa sang Bagumbayan sa Sultan Kudarat kag ginsuspender man ang klase sa bilog nga probinsiya sang South Cotabato.
