KORONADAL CITY – Nagsaka na sa halos 300 ang nadakpan sang mga otoridad nga nagbayular sa curfew hours sa siyudad humalin nga ginpatuman ang Enhanced Community Quarantine tuga sang kahalitan sang COVID-19.
Sa interbyu sang Bombo Radyo Koronadal P/Lt. Col. Joefel Siason, ang hepe sang Koronadal PNP, sa nasambit nga numero , 18 ka mga indibidwal na ang napasakaan sang kaso bangud sa pagbayolar sa Article . 151, Resistance and Disobedience to a Person in Authority or Agents of Such Person.
Suno kay Siason, apisar sang makapila ka beses na nga pagpaandam nila nga magapangatubang sang kaso ang sin-u-man nga madakpan madamo sa gihapon ang nagabayular.
Kaangot sini, liwat nga nagpanawagan ang hepe sang kapulisan sa siyudad sang Koronadal nga magpabilin sa puluy-an sa pag-abot na sang alas-7 sang gab-i tubtob alas-5 sa aga.
Ini bangud, indi suno pa buot silingon nga makaguwa ang mga nadakpan, mangin luwas na sila sa kaso bangud desidido ang kapulisan nga mapasakaan ang mga ini bilang leksiyon.
