KORONADAL CITY – Nagapatigayon na sang contact tracing ang Integrated Provincial Health Office-South Cotabato makaligad napagkit ang pinakauna nga kaso sang coronavirus disease diri sa probinsya.
Ginpahayag ni IPHO chief Dr. Rogelio Aturdido nga may travel history ang 52 anyos na lalaki nga pasyente halin sa Manila sakay sang bapor kun sa diin nagpa-admit anay ini bangud nakabatyag sang hilanat antes nag-ayo ang iya kondisyon.
Gilayon naman nga nagpaidalom ang nasambit nga person under investigation sa 14-day self-quarantine.
Dugang sang nasambit nga opisyal nga ginpaidalom na sa total lockdown ang banwa sang T’boli makaligad mapagkit ang nasambit nga kaso.
Liwat man ini nagaapela nga subong nga may una nga kaso nga napagkit ang probinsya, dapat lamang nga magkalma ang mga residente, pahugtan pa ang pag-practice sang social distancing, cough etiquette, kag pabaskugon ang immune system agud malikawan nga malatnan sang nasambit nga balatian.
