KORONADAL CITY – Ginkanselar na ang mga church services sa Hong Kong kasunod sang pamahog sang coronavirus disease 2019 (covid 2019).
Ini ang ginpahayag ni Bombo international correspondent Shella Mae Gallo sa interbyu sang Bombo Radyo Koronadal.
Suno kay Gallo, duha na ka Dominggo kanselado ang mga serbisyo sang mga simbahan bilang precautionary measure agud indi maglapta ang nasambit nga balatian.
Dugang pa sini nga natalana man nga magabalik ang klase sa Marso 26 bangud sa outbreak.
Magluwas sini, nagapadayon nga nagapanic-buying ang mga ini bangud sa kakulangon sang mga suplay.
Nagmahal man mangin ang presyo sang mga kahon sa facemask kun sa diin nagabalor sa 200 HK dollar (masobra P1,300) samtang nagabalor naman sa P150 ang balor sang isa ka facemask.
