KORONADAL CITY- Nangin dalan ang Commission on Human Rights Region 12 sa boluntaryo nga pagsungka sang duha ka mga prime suspects sa brutal nga pagpatay sa isa ka padre de pamilya sa banwa sang Tupi, South Cotabato.
Ini ang nangin pahayag ni Atty. Keysi Gomez, Regional Director ng CHR-12 sa interbyu sang Bombo Radyo Koronadal.
Suno sa iya, ginhatagan gid sang ila nga talatapan ang paghatag sang husto kag tama nga proseso agud maangkon sang mga biktima ang hustisya.
Ginpahayag sang opisyal nga malaka man lang nga may nagapadulong sa ila nga talatapan nga ang suspek mismo ang nagapdulong.
Suno kay Atty. Gomez, nagpalapit sa ila nga talatapan ang pamilya sang mga suspek agud mangayo sang bulig nga mangin luwas ang pagsungka sa mga suspek nga amo sanday Ricky Bordago kag Bimbo Panansang.
Kung madumduman nagsungka ini sila kahapon sa mga otoridad kag gin ako nga sila ang nagpatay kay Jay-ar Ula nga nasapwan na lamang sa may crossing Kablon, Tupi South Cotabato sang tinalikdan nga semana, Agosto 4.
Sa karon, ginpasiguro naman sang CHR 12 nga sila ang magabulig sa mga biktima sang husto nga hustisya, kasubong na lamang sang amo sini nga krimen.
