Ginpanginwala sang China ang alegasyon nga gin-gamitan nila sang laser ang fighter jet sang Germany.
Suno sa Germany, naga-partisipar lang sila sa operasyon sang European Union para protektahan ang mga barko sa Red Sea batok sa mga atake sang Houthi rebels sang matamaan sang laser halin sa barko sang China.
Tungod sang insidente, ginpatawag sang German foreign ministry ang Chinese ambassador, kag pati man ang ambassador sang China sa EU ginpatawag man.
Ang barko pandigma sang China nakit-an sang madamo ka beses sang Germany, kag nakigkomunikar pa gani ang ila eroplano diri.
Napilitan ang fighter jet sang Germany nga magbalik sa ila military base sa East African nation pagkatapos sang hitabo.
Ginpahayag naman ni EU foreign policy spokesperson Anouar El Anouni nga seryoso kag nakabalaka ang ginhimo sang China.
