China ginpakamalaot ang pagbaligya sang Estados Unidos sang mga armas sa Taiwan

Ginpakamalaot sang pungsod China ang panibag-o nga hugna sang pagbaligya sang Estados Unidos sang mga armas sa Taiwan.

Nagalab-ot sa $2 billion ang panibag-o nga kontrata sang pagbaligya sang Amerika kun sa diin nalakip diri ang surface-to-air missile systems and radar.

Suno sa Taipei, dako ang pagpasalamat sang mga ini sa Amerika bangud sa bulig sang maga-abot nga mga armas kag kagamitan, makabulig ini pasanyog kag papag-on sang defense resilence sang Taiwan kag pagpabilin sang kalinong kag estabilidad sa Taiwan Strait.

Paandam naman sang China, himuon sini ang tanan agud padayon nga maduso ang soberanya ukon ang kinamatarong sa gina-angkon sini bilang kabahin sang ila pungsod ang self-ruled Taiwan.