Ginkondena sang embahada sang China sa Pilipinas ang alegasyon nga naga-entra sila ukon naga-apekto sa eleksyon sang pungsod.
Ini nga pahayag nasunod sa pagdakop sang isa ka Chinese spy sa atubang sang opisina sang Commission on Election (COMELEC).
Suno sa embahada, sila matinlo kag tapat nga nagapakita sang respeto sa mga tawo kag sa mga layi nga ginapatuman sang isa ka nasypungsodon.
Ginpahayag man nila nga ang amo nga alegasyon nagikan lamang sa pila ka mga pulitiko nga may personal nga interes.
Ginklaro pa sang embahada nga wala sing interes ang China nga magpanghilabot sa eleksyon sang Pilipinas.
Nahunahuna man sang kadam-an ang pag-aresto sa 47-anyos nga si Tak Hoi Lao, kun sa diin nakuha sa iya kustodiya ang isa ka International Mobile Subscriber Identity (IMSI) catcher nga may kapasidad nga makakuha sang mga telepono nga istorya.
