KORONADAL CITY- Gipasigurado sa subong sang pamunuan sang Koronadal City Disaster Risk Reduction Management Council nga preparado ang mga ini sa pag responder sa tion nga magbunok liwat ang pagbunok sang ulan nga maga tuga sang malapnagon nga pagbaha sa Koronadal labi na sa Round Ball Area nga maka-apekto sa pag-agi sang mga motorista.
Sa interview sang Bombo Radyo Koronadal kay Mr. Cyrus Urbano, CDRRMO Officer sang Koronadal, ginpahayag sini nga preparado anu man nga oras nga kinahanglanon ang ila bulig sang mga pumuluyo ukon mga motorista.
Ginpahayag man sini nga bangud sa wala pa natapos ang construction sang parte sang B’lok Creek, nag-awas ang tubig ulan halin sa upper stream padulong sa down stream sa diin nangin tunaan sang pagbaha sa diin nakuhaan pa sang mga footage sang mga netizens ang daw dagat nga bahin sang roundball sang Koronadal.
Suno pa sa opisyal, nag abot sa 2 ka heavy equipments ang nagresponder sa pagbaha kahapon sang hapon nga nagdelatar kag nagpalikaw man sa mga motorista.
