Magapadayon si Cardinal Luis Antonio Tagle bilang pro-prefect sang Dicastery for Evangelization tubtob nga matalana si Pope Leo XIV sang bag-o nga Roman Curia officials.
Suno sa kardinal, nakabaton siya sang komunikasyon nga nagakumpirmar nga ginpabilin sang bag-o nga Santo Papa ang tanan nga mga opisyal sa Roman Curia tubtob nga may bag-o na siya nga desisyon.
Sa isa ka interview kay Cardinal Tagle sa Pontificio Colegio Filipino sa Roma, wala sang ginpahayag ang Santo Papa nga magatuga siya sang mga bag-o nga opisyal sa sulod sang isa ka bulan, gani siguro kinahanglan pa sang bag-o nga Santo Papa sang panahon para magpamalandong parte sini.
Magahulat sila sang desisyon sang Santo Papa kun luyag niya nga may himuon nga mga pagbag-o.
Kasagaran, kon mapatay ang Santo Papa nga amo ang ulo sang mga dicastery sang Roman Curia nga ginatawag man nga prefects, awtomatiko nga ginabyaan nila ang ila mga puwesto agud hatagan kahigayunan ang bag-o nga Santo Papa nga ,magtalana sang iya kaugalingon nga mga miembro sang kabinet.
Madumduman nga sang tuig 2022 ginpili sang nagtaliwan nga si Pope Francis si Cardinal Tagle sa amo nga posisyon sa dicastery.
