BOMBO FLASH REPORT: Ginaaligar fixer sang LTO, arestado sa entrapment operation

KORONADAL CITY– Arestado ang ginapatihan fixer sang LTO District makaligad ang ginpatigayon nga entrapment operation sang mga otoridad.

Ginkilala ang suspek nga si Victor Oran Abude alyas Jong-Jong, 36-anyos kag residente sang Sitio Cogonal, Brgy Topland, Koronadal City.

Sa esklusibo nga interbyu sang Bombo Radyo Koronadal kay Pol Lt Col Joefel Siason, hepe sang Koronadal City, madamo na sang mga sang nabiktima ang nasambit nga suspek kag madugay naman nga ginamonitor sang kapulisan.

Sa karon, natalana na nga pasakaan sang kaso angot sa Anti-Red Tape Law ang nasambit nga suspek.

Nakuha man sa posisyon sini ang ginaaligar kwarta nga ginbaton sang suspek gikan sa iya biktima.