KORONADAL CITY- Padayon sa gihapon ang blood sampling sang mga baboy sa banwa sang Norala partikularmente sa Brgy. Poblacion makaligad nga nangin kontrobersya kag nangin apektado ang nasambit nga lugar sang African Swine Fever o kun ASF.
Ini ang ginpahayag ni Mayor Clemente Fedoc, sang Norala South Cotabato sa interbyu sang Bombo Radyo Koronadal.
Suno sa iya, nahagan hagan naman ang sitwasyon makaligad nga ginpaidalum ang 105 ka mga baboy sa culling.
Kung madumduman, gipahayag sini nga ang ginpaidalum sa culling ang mga baboy sa Purok Sub Libra Reloquimas kag Purok Merkado Rizal sang Brgy. Poblacion, Norala, makaligad nga nga gina alegar nga infected ang mga ini sang African Swine Fever ukon ASF ang ila nga lugar.
Ginkuha ang mga baboy sang pipila ka mga hograisers bangud naksulod ang mga ini sa 500 meter radius halin sa epicenter kag apektado na ini sang nasambit nga balatian.
Sa karon, ginpaklaro sang alkalde nga sila ang naghimo na sang pamaagi para naman nga mabuligan ang mga pipila ka ma hograisers nga apektado ang ila hinuptan nga mga baboy.
Nahibaluan nga nagpadulong sa waragwagan sang Bombo Radyo ang pipila ka mga hograisers sa Bombo Radyo makaligad nga ginhatagan lamang suno pa sila sang Noodles, de lata kag bugas kabaylo sang ila nga baboy nga ginpanguha.
Apang sa karon naamat amatan naman sila nga nahatagan sang bulig kabaylo sa ila mga hinuptan nga baboy.
Kung madumduman, nagpahayag ang PVET nga ang banwa sang Norala ang ginakabig nga yara sa red zone kaupod man ang banwa sang Banga, makaligad nga nakapagkit sang tuman kadamo nga naapekto nga baboy sa ila nga lugar.
