Kung indi kita magbukas kag mag-atubang sang mga pilas sa kabuhi, indi makasulod ang Dios.” Ini ang nangin pahayag ni The Most Reverend Cerilo Casicas, D.D., Bishop sang Diocese of Marbel.
Suno kay Bishop Casicas, indi lang ini nagaangut sa personal nga kabuhi kundi pati man sa nagakatabo sa sosyodad sa karon, Kung sa diin indi lang dapat pag-istoryahan ang korapsyon kag magbaylo naman sa iban nga mga isyu, kundi kinahanglan gid naton ini atubangon.
Dugang pa sa iya, ang Paskwa indi lamang isa ka lingaw-lingaw kundi isa ka seryoso nga selebrasyon bilang mga Kristiyano.
Gindugang pa niya, sa mga panghitabo sa kabuhi, indi lang kita magpokus sa mga dalagkuan nga butang; kinahanglan man naton tagaan sang importansya ang mga nagakatabo sa aton palibot.
