Bigtime nga saka sa presyo sang gatong, lauman sa madason nga semana

Matapos ginpatilaw sang rollback, lauman sang mga motorista sa masunod nga semana ang pagsaka sa presyo sang gatong.

Sa pagbulobanta sang Department of Energy (DOE), magasaka sang P0.60 tubtob P0.85 ang presyo sang kada litro sang gasolina, P1.45 tubtob P1.70 sa kurudo, kag P1.85 tubtob P1.90 sa kerosene.

Ang pag-anunsyo sang aktuwal nga igapasaka sa presyo sang gatong ang ginapatigayon tagsa ka Lunes nga adlaw kag ginapatuman pagka masunod nga adlaw sang Martes.

Nahibaluan nga sandig sa year-to-date nga paghulag sang presyo, nagsaka na sang P6.85 ang litro sang gasolina kag P4.25 sa krudo.

Nagnubo naman sa kabilugan ang kerosone sang P1.55 kada litro.