Isa ka iloy sa Kentucky ang nakibot matapos madiskubre nga naka-order ang iya bata sang 70,000 ka piraso sang lollipop gamit ang iya cellphone, nga naglab-ot sa kantidad nga $4,200 o sobra P240,000.
Suno kay Holly LaFavers, residente sang Lexington, wala siya nagexpect suno pa nga makaabot sa ila balay ang 30 ka kahon sang lollipop.
Base sa iya post sa social media, may sulod nga 2,340 ka piraso sang lollipop ang kada kahon.
Ang iya bata nga si Liam, isa ka Grade 2 student, nag-ako nga siya ang nagbutang sang order samtang nagahampang sang cellphone sang iya iloy sang weekend.
Bangud nga $130 ang kada kahon, nag-total sa $4,200 ang iya wala ginatuyo nga online purchase.
Sa una, ginsugtan sang kompanya nga i-return kag i-refund ang walo ka kahon.
Bangud sini, ginpaninguhaan ni LaFavers nga ibaligya na lang sa mga abyan kag silingan ang nabilin nga mga kahon.
Apang, matapos ang pila ka komunikasyon sa bangko kag media, ginpabutyag sang kompanya nga ibalik nila ang bug-os nga bayad nga gin-gasto sang iloy.
