Nasabat ang baril at droga sa dalawang Street Level Individual sa isinagawang drug buy-bust operation ng mga awtoridad sa Purok Kauswagan, Brgy. Saravia, Koronadal City, South Cotabato nito lamang ika 29-ng Enero 2025.
Kinilala ni PLTCOL HOOVER TAPANG ANTONIO, hepe ng Koronadal City Police Station ang mga suspek na sina alyas “Arnil” 31 na taong gulang at si alyas “Dan-Dan”, 25 na taong gualang at parehong residente ng nasabing lugar.
Bandang 5:20 ng gabi, isinagawa ng mga tauhan ng Koronadal City Police Station kasama ang SCPPDEU, SCPIU at RID ang buy-bust operation na nagresulta ng pagkakaaresto ng dalawang suspek.
Nasamsam sa dalawang street level individual ang anim na pakete ng hinihinalaang shabu, isang homemade pistol at isang bala. Isinailalim pa sa quantitave at qualitative analysis ang nakumpiskang illegal na droga.
Nasa kustodiya ng Koronadal CPS ang mga naaresto at mahaharap sa kasong paglabag sa RA 10591 Comprehensive Firearms and Ammunition Regulation Act” at RA 9165 o Comprehensive Dangerous Drugs Act of 2002.
