Wala may nakalab-ot nga report sa Barangay Topland ilabi na sa mga Barangay Council nga may yara na ginapatigayon nga pag buho sang lupa sa Sitio Cogonal, Barangay Topland, siyudad sang Koronadal.Ini ang nangin pahayag ni Kagawad Greta Soberano Cerilos sang Barangay Topland sa interview sang Bombo Radyo Koronadal. Suno kay Greta nga nakadepende na lang sa assessment sang CENRO kon ano ang ila pagahimuon sa ginasiling nga isa ka deep well.Dugang pa sa iya ulihi nalang ini nahibal-an sang nag-abot ang CENRO sa barangay hall, sa diin upod ang bpats gin-inspek nila ang nasambit nga deep well nga ginadudahan nga treasure hunting sa nasambit nga area.Bukas naman ang Barangay Topland Council nga istoryahan kag aksyonan ang nasambit nga isyu sa diin nagtigayon na sila sang emergency meeting pasado alas 1:00 sang hapon kahapon Agosto 15,2025 , kag nangin isa ini saila nga topiko nga ginhisgutan kaupod ang mga baranggay official sang nasambit nga lugar
