Baligyaanay sang mga palupok sa syudad mahina sa gihapon pila na ka adlaw antes ang pagsug-alaw sang Bag-ong Tuig, bangud sa pagtaas sang presyo — Vendor

KORONADAL CITY – Mahina sa gihapon ang baligyaanay sang mga palupok sa syudad pila ka adlaw antes ang pagsug-alaw sang Bag-ong Tuig.

Ini ang nangin pahayag ni Manang Melani, isa ka Vendor interbyu sang Bombo Radyo Koronadal. Suno sa iya, makit-an nga malaka ang mga tawo nga nagakadto ukon nagabakal sang palupok.

Sumugod Disyembre 20 tubtob ukon halos masobra isa na ka semana ang nakaligad, ilisipon lang gid ang nagapadulong sa ila area agud magpamakal sang palupok.

Gindugang pa sini nga may pagtaas sang presyo sa palupok amo nga isa ini ka rason kung ngaa hindi mabenta ang mga palupok.