KORONADAL CITY- Nagapadayon ang assessment kag evaluation sang City Disaster Risk Reduction (CDRRMO) sa damyos nga ginbilin sang pagpanalasa sang baha sa nagkalain-lain nga barangay sa siyudad sang Koronadal bangud sa pila ka oras nga pagbuhos sang mabaskog nga ulan kagab-i.
Ini ang ginpahayag ni CDRRMO Cyrus Urbano sa interview sang Bombo Radyo.
Suno kay Urbano, tuman nga apektado ang Barangay Topland kun diin may ginbakwit nga 3 ka pamilya sa pagkatiphag sang ila panimalay sa kilid sang sapa kag ang pagkaguba man sang dike sa Barangay GPS kun diin apektado ang 6 ka panimalay.
Napagkit man ang bata sa Barangay Zone 3 kag Carpenter Hill samtang landslide naman sa bahin sang Brgy. Assumption.
Ginpasalig man ni Urbano nga sa tagsa nga magbuhos ang mabaskog nga ulan gilayon nga nakaalerto ang BDRRMO ilabi na sa mga barangay nga ginakabig yara sa mga flash flood kag landslide prone areas.
