Asod-asod nga pagtaas presyo sang gatong, ginpatuman sang mga Kumbuyuhan

Asod-asod nga nagpatuman sang panibag-o nga pagtaas presyo ang mga kumbuyuhan sang gatong sa ila mga produkto.

Kaina sang alas-6 sang aga ginpatuman ang dugang nga P1.90 kada litro sang gasolina, samtang may P1.20 nga dugang sa kada litro sang diesel, kag P1.00 naman ang pagtaas sa kada litro sang kerosene.

Suno kay Department of Energy Assistant Director Rodela Romero, ang rason sang pagtaas amo ang mga sanctions nga ginpatuman sang Estados Unidos batok sa krudo halin sa Russia kag Iran.

Ginpaathag man ni Romero nga indi epektibo ang nasambit nga pagtaas presyo sa mga lugar nga yara sa state of calamity bangud sa pag-agi sang bagyo kag habagat.