Yara na sa kustodiya sang mga otoridad ang apat ka mga indibidwal nga naaresto bangu sa kaso nga frustrated murder.
Ginkilala ang mga naaresto nga sanday Jay-Ar Panes Oligario, 23, Key Mark Raymundo Pido, 19 kag Ivan kag Christian nga lunsay 17-anyos pa lamang.
Ang nasambit nga mga suspek ang lunsay residente sang Barangay Talisawa, Datu Abdullah Sangki, Maguindanao del Sur.
Suno kay Datu Abdullah Sangki PNP Chief Major Pablo Boloy, nadakpan ang mga ini base sa warrant of arrest nga gin-isyu ni Judge Annabelle Piang sang RTC 12th Judicial Region Branch 15.
Sila nga apat ang may ginapangatubang nga kaso nga frustrated murder.
Nag-ugat ang ila nga kaso sang nagligad nga tuig bangud sa ginpulihan nila buno nga isa man ka menor de edad.
Sa karon, nagapabilin ang mga ini sa Maguindanao del Sur Provincial Jail sa banwa sang Shariff Aguak.
