KORONADAL CITY – Yara na sa kustodiya sang Isulan PNP ang isa ka amasona nga ginapatihan nga mataas nga lider sang rebelde nga NPA matapos nga maaresto sa banwa sang Senator Ninoy Aquino, Sultan Kudarat.
Ginkilala ang naaresto nga si Rosana Fernando alyas Ka Rosa, yara sa legal nga edad, residente sang Sitio Bugso, SNA, Sultan Kudarat kag suno pa medic officer sang Front 73 My phone platoon nga ginapamunuan ni Kumander George.
Naaresto si Fernando sang mga katapu sang Regional Intelligence Unit (RIU) sang PNP-12 sa pagpanguna ni P/Supt. Cristopher Bermudez.
Suno kay Bombo Correspondent Larry Geronio kasamtangan nga nagapangatubang sang kaso nga murder kag attempted murder si Fernando sa sala ni Judge Renato Gleyo sang RTC branch 19 sa Sultan Kudarat.
Natalana naman nga ipresentar sang kapulisan ang nasambit nga rebelde.
Samtang, ginpahugtan pa sa subong ang seguridad sa Municipal Police Station sang Isulan sa posibilidad nga pagsalakay sang mga kaupdanan ni Fernando.
