KORONADAL CITY– Natalana nga magadihon sang isa sa special operation group ang alkalde sang Koronadal para nga malikawan ang pagluntad sang isa ka terroristic attack sa syudad kag madakpan ang mga tawo nga naga plano nga maghimo sang kalainan sa Koronadal.
Ini ang nangin pahayag ni Koronadal City Mayor Eliordo Ogena sa interview sang Bombo Radyo Koronadal makaligad ang insidente sang pagpamomba sang isa ka unit sang YBL Bus sa sentro sang Koronadal sang tinalikdan nga Huwebes sang udto.
Suno sa alkalde natalana nga maghinun-anon ini sa mga otoridad para sa posibilidad nga pag kreer sang Special unit sang Special Weapons and Tactics (SWAT) nga espesyalista sa urban warfare para sa pag solbar sang mga kulukasobong nga pagpang-atake.
Dugang pa sang alkalde, maga dugang man sang mga police patrol vehicle ang iya nga opisina para sa madasig nga pag responder sang mga otoridad sa tion sang krimenalidad sa sulod sang syudad.
Dugang pa sininag kreer na man sang Special Investigation Task Group (SITG) ang kapulisan nga magatutok sa sin-u-man nga responsable sa pagpasigabong sang IED sa Yellow Bus Line.
