Sulod na sa singles quarterfinals sang Abu Dhabi Cup ang Pinay tennis star nga si Alex Eala.
Ini matapos ang iya madinalag-on nga three-set nga laban kontra sa World number 109 nga si Aliaksandra Sasnovich sang Belarus.
Nakuha ni Eala ang kadalag-an sa sulod sang tatlo ka set sa iskor nga 2–6, 6–4, kag 7–6.
Sa una nga set, nangin agresibo ang Belarusan nga tennis player.
Apang pag-abot sang ikaduha nga set, nakontrol ni Eala ang dalagan sang hampang, gani naglab-ot sa ikatlo nga set ang nasambit nga laban.
Nangin dako nga hangkat para sa 20-anyos nga si Eala ang ikatlo nga set bangud lampuwasan niya ini matapos makuha ang kadalag-an bangud sa sala nga nahimo sang Belarusan nga manughampang.
Sa masunod nga round, makaatubang ni Eala si Ekaterina Alexandrova sang Russia, nga yara sa numero 11 sa ranggo sang Women’s Tennis Association.
