KORONADAL CITY – Nagapangatubang sang kaso nga administratibo ang Sangguniang Kabataan (SK) Chairman sang Barangay Buto, Tampakan, South Cotabato bangud sa anomalya sa pondo sang kabataan kag pagpeke suno pa sang pirma sang SK Treasurer.
Ini ang ginkumpirmar sa Bombo Radyo Koronadal ni Barangay Kapitan Ferdinand Encia sang Barangay Buto sa interview sang Bombo Radyo Koronadal.
Suno kay Kapitan Encia, siya mismo ang nagpanguna sa pagpasaka sang reklamo batuk kay Eddie Loue Amora sa Sangguniang Bayan.
Ang kaso nga ginpasaka kay Amora ang ginalakipan sang neglect of duty, dishonesty, misconduct, abuse of authority, kag paglapas sa SK Reform Act of 2015 kag iban pa nga laye.
Kalakip sa mga ginsumiter nga ebidensya ang mga sertipiko angiot sa suno pa iregularidad sa mga transaksyon nga pinansyal, indi pagtambong sa mga sesyon, kag indi pagsumiter sang mga dokumento sa Youth Local Development Office.
Bilang suporta, nagsumiter man sang affidavit ang SK Treasurer nga nagapahayag nga ginpeke suno pa sang SK Chairman ang iya nga pirma para sa mga maanomalya nga transaksyo.
Natalana naman ang pagpatigayon sang hearing sa madason nga Semana.
Sa tion nga mapamatud-an, mahimo nga mapahamtangan sang suspension ang nasambit nga SK official.
