-- ADVERTISEMENT --

Ginkwestyon ni House public prosecutor Atty. Chel Diokno ang pagpamangkot sang defense team nahanungod sa educational background ni Atty. Rainer Dela Fuente sa ika-44 nga adlaw sang impeachment trial ni Vice President Sara Duterte.

Ginpamangkot ni Diokno ang depensa kon katuyuan sini nga kuwalipikaron si Dela Fuente bilang expert witness, bangud suno sa iya, wala ini nasambit sa ila ginpasa nga offer of testimony.

Sabat naman ni defense lawyer Mark Vinluan, kabahin ini sang ila plano kag talakayon nila ang expertise kag ihibalo sang testigo.

Bangud sini, ginpahayag ni Diokno nga magapasa siya sang pagtutol bangud indi kuno nalakip sa offer of testimony ang amo nga katuyuan.

Apang ginpamilit ni Vinluan nga nalakip ini sa ila ginpasa nga dokumento, bisan pa nga sa lain lamang nga pamaagi ini ginpahayag.