-- ADVERTISEMENT --

Nagapanawagan ang Department of Health (DOH) SOCCSKSARGEN sa mga nagadala nga iloy nga likawan ang pagbata sa ila mga puluy-an kag magpadulong sa mga ospital ukon lying-in clinics agud malikawan ang maternal death kag masiguro ang kaluwasan sang iloy kag lapsag.

Sa interview sang Bombo Radyo Koronadal, ginpahayag ni Cindy Estrebon, nurse sang DOH SOCSKSARGEN, nga nagahatag ang tagsa ka barangay sang prenatal checkup agud masubay ang kahimtangan sang mga nagabusong kag mahatagan sila sang nagakaigo nga pag-atipan.

Dugang pa ni Estrebon, indi dapat magkabalaka ang mga iloy sa balaydan sa pagbata bangud may yara na sang zero-balance billing sa mga pampubliko nga ospital kag mga lying-in facility sa probinsya.

Bangud sini, ginapanawagan niya ang mga ginikanan nga unahon ang seguridad kag kahimsog sang iloy kag bata paagi sa pagpili sang nagakaigo nga pasilidad para sa pagbata kag paglikaw sa mga sitwasyon nga mahimo magbutang sa ila kabuhi sa peligro.