-- ADVERTISEMENT --

Naghatag sang dungog sa Pilipinas ang judoka nga si Chino Sy matapos makakuha sang duha ka bronze medal sa 2026 Florida Panamerican Open sa Estados Unidos kag 2026 Montreal Open sa Canada.

Nakuha sang 25-anyos nga atleta ang mga medalya sa men’s 100kg division, matapos magpakita sang maayong performance kontra sa mga beteranong judoka sa duha ka kompetisyon.

Sa Florida, nakaabot siya sa semifinals apang nalutos sang Cuban kag three-time Olympian nga si Ivan Felipe Silva Morales.

Nakabawi naman siya sa bronze medal match matapos mapierde ang American champion nga si Nathaniel Keeve.

Suno kay Sy, dako nga eksperyensya ang iya nakuha sa pag-atubang sa mga internasyonal nga atleta, nga naghatag man sa iya sang dugang nga kumpiyansa sa iya abilidad.

Dugang pa niya, proud siya nga marepresentar ang Pilipinas kag mapakita ang iya estilo sang judo nga natun-an sa iya amay.

Sa karon, gamiton ni Sy ang iya mga eksperyensya sa padayon nga preparasyon kag pagtipon sang puntos para sa iya handum nga makakwalipikar sa 2028 Los Angeles Olympics.