-- ADVERTISEMENT --

Ginhilway sang Houthi rebels sa Yemen ang halos 600 ka prisoners of war, nga ginakabig nga pinakamadamo nga ginpagwa nga mga detainee sa sulod sang 12 ka tuig nga civil war sa pungsod.

Suno kay Abdul-Qader al-Murtaza, opisyal sang Houthi nga nagadumala sa prisoners affairs, ini ang pinakamadako nga paghilway sang mga bihag halin sang nagsugod ang kinagamo.

Ginkumpirma man sang International Committee of the Red Cross (ICRC) ang nasambit nga pagpaguwa sa mga detainee.

Ginsugat sila sang mga representante sang Red Cross kag gindangat sa balay-bululngan para sa pagpaeksamin sang ila panglawas.

Antes ang ila pagpaguwa, nagpatigayon anay ang mga delegado sang ICRC sang tagsa-tagsa nga interview sa mga detainee agud masiguro ang ila kahimtangan.

Nahibaluan nga yara sa malawig nga civil war ang Yemen matapos magrebelde ang Houthi movement kag magtinguha nga maagaw ang kontrol sa gobyerno, nga nagresulta sa nagapadayon nga krisis sa pungsod.