Ginpamangkot ni Senator-judge Joel Villanueva ang rekord sang empleyado sang GenCorp Industries Inc. matapos magguwa sa General Information Sheet (GIS) nga zero ang rank-and-file employees sang kumpanya sang 2025.
Sa ika-42 nga adlaw sang impeachment trial ni Bise Presidente Sara Duterte, ginpahayag ni Villanueva nga duha ang empleyado nga nakapagkit sang 2023 kag 2024, apang nadula ini sa rekord sang 2025.
Gin-usisa man niya kon paano nakarekord ang GenCorp sang kapin P100 milyon nga kita bisan wala sang nakalista nga rank-and-file employees.
Suno kay Atty. Suzette Balucanag-Punay, corporate counsel sang GenCorp, indi siya ang nagpreparar sang GIS kag wala siya sang maathag nga sabat sa pagnubo sang numero sang empleyado.
Ginbalik man ni Villanueva ang P2.1 milyon nga ginbaton suno pa ni Duterte bilang return of capital, nga iya gintupong sa una nga P46,875 nga puhunan.
Ginpahayag sang testigo nga wala siya sang impormasyon kun may dugang nga investment pagkatapos sang una nga kontribusyon.
Ginpunto ni Villanueva nga importante mahibaluan kon pagbalik gid lamang sang puhunan ang kuwarta ukon income ini nga mahimo may implikasyon sa mga probisyon sang Konstitusyon nga nagadumili sa pila ka opisyal sang gobyerno nga magnegosyo.
