Magahatag sang mga pagpahanumdom kag prevention tips ang Philippine National Police (PNP) sa Rehiyon 12 agud mabuligan ang publiko nga malikawan ang mga problema kag posible nga insidente sa pagsaulog sang Undas 2026.
Suno kay Police Lt. Col. Peter Pinalgan Jr., Deputy Provincial Director for Operations sang South Cotabato PNP, kabahin ini sang ila mga preparasyon luwas sa mga security plan kag aktibidad nga ipatuman sa tion sang Undas.
Ginapunting sang ila kampanya ang paghatag sang impormasyon sa publiko kon paano masiguro ang personal nga seguridad kag malikawan ang pagpanghalit samtang nagabisita sa mga sementeryo kag nagadumdom sa ila mga napatay nga pinalangga.
Suno kay Pinalgan, posible nga may mga indibidwal nga magagamit sang okasyon agud magpanghalit ukon magpahimulos sa sitwasyon, gani importante nga mangin mabinantayon ang publiko kag sundon ang mga safety reminder sang kapulisan.
Apang, ginpasalig niya nga may yara na sang ginaplano nga mga tikang ang PNP-12 agud mapunggan ang mga insidente kag masiguro ang matawhay kag malinong nga pagsaulog sang Undas sa rehiyon.
