Ginpaathag ni South Cotabato Governor Reynaldo Jr. nga ang Php50 M nga pondo nga halin sa Melco Resorts Foundation para sa pagpatindog sang District Hospital sang Tantangan ang kabahin sang Corporate Social Responsibility sang isa ka korporasyon ukon kumbuyuhan.
Dugang pa ni Governor Tamayo nga puwede makakoordinar ang mga local executives sa mga korporasyon nga ini agud maghingyo sang pondo nga paga-usaron sa mga proyekto sa mga komunidad.
Ginkumpirmar man ni Tamayo nga wala sang kapalit ang pagpondo sang Melco sang kabug usan nga Php 200M lakip diri ang ₱100 milyones para sa pagpalapad sang South Cotabato Provincial Hospital bilang tatlo ka panalgan nga pasilidad, ₱50 milyones para sa Koronadal City Infirmary, kag ₱50 milyones para sa pagpatindog sang Tantangan District Hospital.
Sa dugang, ginapangabay man ni Governor Tamayo nga kada munisipalidad sa probinsya sang South Cotabato ang makaangkon sang kaugalinon sini nga ospital agud ma-decongest ang South Cotabato Provincial Hospital kag mangin madali ang access sang publiko sa serbisyo medikal.
