Nag-abot na sa BARMM ang 108 ka international election observers halin sa 16 ka organizations kag delegations para magmonitor sa una nga parliamentary elections sang rehiyon sa Setyembre 14, 2026.
Lakip sa mga observer groups ang International Republican Institute, Asian Network for Free Elections kag National Democratic Institute, pati na ang mga embassies sang Japan, Australia, Britain kag Palestine.
Magatutok ang mga observers sa nagkalain-lain nga lugar sa BARMM, lakip ang Maguindanao del Norte, Maguindanao del Sur, Basilan kag Tawi-Tawi.
Samtang, nagapadayon ang preparasyon sang COMELEC.
Sa Maguindanao del Norte, ginasusi ang mga balota kag iban pa nga election materials agud masiguro nga husto kag kumpleto ini antes ang botohan.
Samtang, madumduman nga nauna na nga ginpahayag ni Atty. Renault Macarambon, Provincial Election Supervisor sang Maguindanao del Norte, sa interview sang Bombo Radyo Koronadal nagapadayon ang preparasyon sang rehiyon para sa hapsay nga pagpatigayon sang eleksyon.
Ginapanawagan man ni Atty. Macarambonang sa mga botante nga mag-checkyar sang ila voting details kag magsunod sa opisyal nga abiso sang COMELEC antes sang Setyembre 14.
Magapadayon man ang koordinasyon sang COMELEC kag security forces agud masiguro ang malinong kag luwas nga eleksyon sa BARMM.
