Naglab-ot sa record nga $54.92 bilyon ang exports sang Pilipinas halin Enero tubtob Hulyo, bangud sa kusog nga pagpadala sang electronics kag semiconductors.
Suno sa Philippine Statistics Authority ukon PSA, amo ini ang pinakamataas nga seven-month export performance sang pungsod halin 1991.
Mas mataas ini sang 12.9 porsyento kumpara sa $48.67 bilyon sa kasubong nga tion sang 2025.
Apang, naglapad man ang trade deficit sa $37.34 bilyon, ukon 29 porsyento nga mas mataas kumpara sang nagligad nga tuig.
Ginalantaw nga isa sa mga rason sini amo ang pagsalig sang electronics industry sa imported components.
Sa Hulyo lang, nagsaka sang 10.8 porsyento ang exports sa $8.15 bilyon. Electronics ang nanguna nga export product, nga nagdala sang $4.79 bilyon ukon 58.8 porsyento sang total exports.
Ang United States ang pinakadaku nga merkado sang Pilipinas sa Hulyo, nga nagbakal sang $1.68 bilyon nga mga produkto.
