Gindepensahan ni House Prosecutor Rep. Terry Ridon ang social media post ni private prosecutor Atty. Amando Virgil Ligutan, kag ginpahayag nga wala ini naglapas sa sub judice rule.
Suno kay Ridon, ang mensahe ni Atty. Ligutan nagatumod lamang sa legal nga prinsipyo nga indi mahimo ang misleading questions, kag wala ini naghisgot sang merito sang impeachment case.
Ginpahayag man niya nga wala sang ginpangalanan ukon ginpabati-batian nga partikular nga bahin sang kaso sa amo nga post, gani dapat ini nga indi paghatagan sang pagtagad sang presiding officer.
Apang ginpasiguro ni Ridon nga respetuhon sang prosecution ang desisyon sang Senate Impeachment Court may kaangtanan sa mga pahayag nga ginatugutan samtang nagapadayon ang trial.
Dugang niya, importante nga mahibaluan sang publiko ang konteksto kag buot-silingon sang mga ebidensya nga ginapresentar sa impeachment trial, ilabi na bangud teknikal kag komplikado ang mga proseso sa korte.
