Gin-athag sang defense team ni Vice President Sara Duterte nga indi pa pinal ang Notice of Disallowance nga ginpagwa sang Commission on Audit (COA) angut sa paggamit sang confidential funds sang Office of the Vice President.Suno sa depensa nga si Atty. Michael Poa, ang isa ka ahensya sang gobyerno may yara sang 180 ka adlaw humalin sa petsa sang pagbaton sang Notice of Disallowance sa pag-file sang petition for review ukon pag-apelar sa COA, suno sa rules of procedure sang komisyon.
Pahayag pa ni Poa, wala ini nagakahulugan nga wala nakasabat ang OVP sa nasambit nga abiso. Suno sa iya, yara pa ini sa sulod sang gintalana nga 180-day period kag tubtob sa Oktubre subong nga tuig ang deadline sa pagsumiter sang ila sabat.Lakip sa mga aksyon nga mahimo himuon sang OVP amo ang pag-file sang motion for reconsideration kag kun kinahanglanon, ang pag-apelar sa masunod nga lebel sang proseso tubtob sa Korte Suprema.
Ginpanindugan sang depensa nga bangud wala pa natapos ang gintalana nga tion sa pag-apelar, indi makabig nga pinal ang nasambit nga Notice of Disallowance.Samtang padayon naman nga nagatuyok ang isyu sa paggamit sang OVP confidential funds sa impeachment proceedings ni VP Sara Duterte, sa diin kabahin sang hearing ang mga isyu may kaangtanan sa liquidation kag documentation sang nasambit nga pondo.
