Nagdangat na sa 82 ang napagkit nga patay matapos gintay-og sang magnitude 7.4 ang Western Colombia, nga nabatyagan man sa pila ka mga pungsod sa Latin America.
Pinakadamo sa mga casualty ang napagkit sa western province sang Risaralda, kun sa diin ginapatihan nga masobra 40 ka inidbdiwal ang napatay bangud sa linog.
Wala pa matumod sang mga otoridad ang eksakto nga kadamuon sang mga napilasan kag missing, samtang padayon ang assessment sa mga lugar nga naapektuhan sang pagkarumpag sang pila ka mga estruktura.
Suno sa US Geological Survey, ang epicenter sang linog yara sa San Jose del Palmar sa Chocó region, nga may populasyon nga ginabulubanta sa 4,800 ka inidbidwal.
Nahamtang ang amo nga lugar mga 400 kilometro sa nakatundan sang Bogota, ang kapital sang Colombia.
