Ginlutos ni Filipina tennis star Alex Eala ang defending champion nga si Leylah Fernandez sang Canada sa iskor nga 6-2, 7-6 (7-1) agud makaabanse sa quarterfinals sang 2026 Mubadala DC Open sa Washington, D.C.
Nagpakita sang determinasyon si Eala matapos makabalik halin sa 5-1 nga disadvantage sa ikaduha nga set.
Nakadaog siya sang lima ka asod-asod nga games agud maagaw ang 6-5 nga abanse antes ginpilit ni Fernandez ang tiebreak.
Sa tiebreak, nagdominar si Eala kag nagtapos ang hampang sa isa ka oras kag 53 ka minutos.
Suno kay Eala, gin-atubang niya ang madamo nga mabudlay nga sitwasyon sa hampang kag ginhatagan niya sang kredito si Fernandez sa paghatag sang mabaskog nga kompetisyon.
Ang kadalag-an nagbulos sa una nila nga pagatubangay sang Abril sa Stuttgart Open, kun sa diin nagdaog si Fernandez.
