Nagpangayo sang pasaylo ang TV host kag komedsyante nga si Vice Ganda matapos makabaton sang pamalabag ang isa ka skit nga ginkabig sang pila ka audience nga may insensitive nga komento nga may kaangtanan sa colorism.
Nagumpisa ang isyu matapos niya wisikan sang tubig ang nawong ni Johaira sang Baby Dolls bilang kabahin sang skit kag nagsiling, “Anong nangyari sa ‘yo? Bakit nagputik ka?”
Naglapta ang video sang insidente sa social media kag nagdulot sang nagkalainlain nga reaksyon.
May iban nga nagdepensa nga kabahin ini sang komedya, apang may mga nagpahayag man sang indi pagaproba.
Ginbaton ni Vice Ganda ang sentimyento sang publiko kag nagpangayo sang pasaylo, ginpahayag nga indi nila tuyo nga makapasakit kag magapaninguha sila nga mangin mas mahinalongon sa paghimo sang mga joke sa palaabuton.
