Ginhingyo ni Senate Minority Leader Alan Peter Cayetano ang publiko nga indi magpadala sa mga ginatawag niya nga “distractions” nga nagapalayo sa atensyon sang katawhan sa isyu sang ginapaimbestigaran nga flood control scandal.
Suno sa senador, sa baylo nga madala sa iban nga mga kontrobersiya, kinahanglan magbinuligay ang publiko sa pagtapna sang nagalapnag nga korapsyon nga daw ginakabig na nga normal sa pungsod.
Ginpahayag ni Cayetano nga ang flood control scandal ang dapat hatagan sang pinakamadalom kag pinakamasusi nga imbestigasyon sa sini nga tion.
Nagpabutyag man siya sang kabalaka nga bisan ang pila ka lider sang gobyerno, simbahan kag media ang ginahimo suno pa nga instrumento sa pagpalayo sang atensyon sa isyu.
Dugang pa niya, kinahanglan mapatukan sang publiko ang ginatawag nga “politics of distraction” agud maatubang ang kamatuoran kag maputol ang siklo sang korapsyon sa pungsod.
