Nanindugan ang kampo ni Vice President Sara Duterte nga indi na kinahanglan ang iya arraignment sa impeachment trial matapos nila mapahayag ang ila bahin sa Senado.
Sa una nga adlaw sang impeachment trial, ginpahayag sang kampo sang Bise Presidente nga hapsay kag organisado ang pagpadalagan sang proseso.
Nagkontra ang depensa sa ginpanugyan nga arraignment nga kuntani mapapili si Duterte kun “guilty” ukon “not guilty” sa tagsa ka article of impeachment.
Apang wala na ini ginpadayon sang Senado nga nagaserbi bilang impeachment court.
Suno kay Atty. Michael Poa, spokesperson sang defense team, nakapokus na sila subong sa pagpreparar sang ila depensa.//Ginpahayag man niya nga wala pa nila nakaestorya si Vice President Duterte matapos ang una nga adlaw sang hearing, apang nagalaum sila nga matabo ini sa masunod nga mga adlaw.
Samtang, wala pa sang pinal nga desisyon ang legal team kon irekomendar nila nga personal nga magtambong ang Bise Presidente sa masunod nga mga hearing.
Samtang, wala man direkta nga nagsabat si Lead Defense Counsel Atty. Sheila Sison kun kumpiyansa siya nga madaog ang kaso, apang ginpasiguro niya nga ginahimo sang depensa ang tanan nga kinahanglanon nga preparasyon.
