Nagdangat na sa 10,001 ka mga aftershocks ang naeksperyenisyahan kasunod sang magnitude 7.8 nga linog nga nagtay-og sa Mindanao sang June 8, 2026.
Suno sa datus sang Regional Disaster Risk Reduction Management Council XII nagdangat na sa 60 ang napagkit nga patay, 1,235 ang pilason samtang nagapabilin nga 18 ang napagkit nga missing.
Nagdangat naman sa 373 ka mga barangay ang apektado sa diin 316,646 ang pamilya nga apektado ukon 1,354,936 ka mga indibidwal.
Dugang pa sang ahensiya, nagsaka na sa 23,329 ka mga pamilya ukon 95,502 ka mga individuals ang naga pabilin sa 68 ka evacuation centers.
Nagsaka man sa 60,898 ang partially damaged nga mga kabalayan kag 10,045 ang totally damaged nga mga puluy-an.
Nagdugang man ang mga numero sang mga Local Goverment Units nga nagdeklara sang State of Calamity sa diin ginakabug-usan sang General Santos City, Sarangani province kalakip na ang mga banwa sang Malapatan, Glan, Alabel kag Kiamba, South Cotabato sa diin ginakalakipan sang mga banwa sang Tupi, Tboli, Lake Sebu, Banga kag Tampakan.
Nagdangat naman sa ginabulubanta P2,308,999,580.03 ang napagkit nga danyos sa imprastraktura ang ginbilin sang linog.
