Nagkasugot na ang Estados Unidos kag Iran nga tapuson ang ila giyera, suno sa pahayag ni Pakistani Prime Minister Shehbaz Sharif sang Lunes.
Suno kay Sharif, may opisyal nga signing ceremony nga himuon sa Switzerland sa Biyernes para sa amo nga kasugtanan.
Ginkumpirmar man ini ni US President Donald Trump paagi sa iya social media post, nga nagsiling nga kompleto na ang kasugtanan sa Islamic Republic of Iran.
Nakreer ang kasugtanan bisan pa sang airstrike sang Israel sa Lebanon sang Domingo, nga ginpakamalaot sang Iran kag ni Trump mismo.
Wala pa napaguwa ang kumpleto nga detalye sang kasugtanan, apang suno kay Sharif, lakip diri ang madali kag permanente nga pag-untat sang tanan nga operasyon militar, lakip na sa Lebanon.
Base sa inisyal nga mga report, ginapaabot nga pagabuksan liwat ang Strait of Hormuz, pagatapuson ang blockade sang Estados Unidos sa mga pantalan sang Iran, kag palawigon ang ceasefire samtang ginapadayon ang pag-istoryahanay bahin sa nuclear program sang Iran sa sulod sang 60 ka adlaw.
Suno naman kay Trump, mangin bukas ang Strait of Hormuz nga wala sang bayad kag matapos na man ang naval blockade sang Amerika.
Dugang pa niya, makapadayon na liwat ang normal nga suplay sang petrolyo sa pangkalibutanon nga merkado.
