Ginpahayag sang PNP nga ang hugot nga curfew para sa mga menor de edad importante agud malikaw sila sa impluwensya sang mga sindikato, samtang ginasiguro ang koordinasyon sa DSWD agud malikawan ang pagginutok sa mga youth shelters.
Suno kay PNP Chief Gen. Jose Melencio Nartatez Jr., ang Safer Cities Initiative, tumong nga panalipdan ang kabataan batok sa kriminalidad.
Ginpaandaman man nga ginapahimuslan sang mga kriminal ang mga kabataan nga nagalagaw sa dalan.
Bangud sini, nagapakig-angot ang PNP sa DSWD bilang preparasyon sa ginapaabot nga pagdamo sang mga marescue nga bata sa nighttime operations.
Ini kasunod sang kabalaka sang Community Learning Resource Development Center nahanungod sa posible nga overcrowding sa Bahay Pag-asa, base sa eksperyensya sang 2018 anti-loitering campaign.
Ginpasiguro naman sang PNP nga ila respetuhon kag panalipdan ang katungod kag kaayuhan sang mga kabataan sa pagpatuman sang layi.
