Gin-athag sang Philippine military kag security officials nga wala sang direkta nga pamahog sa seguridad sang pungsod ang tensyon sa Middle East kasunod sang panawagan sang isa ka senador nga i-review ang Enhanced Defense Cooperation Agreement (EDCA) sa tunga sang Manila kag Washington.
Una na nga ginpahayag ni Senator Erwin Tulfo, chairman sang Senate Foreign Relations panel, nga gina-target sang airstrikes ang American military bases sa Middle East.
May mga Filipino man nga nagapuyo malapit sa US military base sa Bahrain nga isa sa mga target sang pagpang-atake.
Apang suno sa Department of National Defense (DND), indi kabahin ang Pilipinas sa nagapadayon nga gyera.
Dugang pa sang DND, wala gina-manage sang US ang EDCA sites.
Sa subong, may yara sang siyam ka mga EDCA sites sa Pilipinas: Antonio Bautista Air Base (Palawan), Basa Air Base (Pampanga), Fort Magsaysay (Nueva Ecija), Mactan-Benito Ebuen Air Base (Cebu), Lumbia Air Base (Cagayan de Oro City), Naval Base Camilo Osias (Sta Ana, Cagayan), Lal-lo Airport (Lal-lo, Cagayan), Camp Melchor Dela Cruz (Gamu, Isabela), kag sa Balabac Island (Palawan).
Subong man, ginpunto sang National Security Council (NSC) nga yara sa idalom sang bug-os nga control sang Armed Forces of the Philippines.
